مش هنبالغ لو قلنا ان معظم الـ Customer Services في مصر سيئة جدا ..  و دا بيتمثل في امثلة كتيير حوالينا و سيناريوهات معظمنا أكيد اتعرض ليها !!؟

اللعبة في الموضوع كله انك تفهم الدنيا بتمشي أزي أو بالمعنى الاوضح  تتعلم مطبخ المجال دا فيه ايه !!

خلينا نقول إن حرفيا موظف خدمة العملاء فـ اي مؤسسة هو المسؤل الاول و الاهم عن تمثيل الشركة قدام كل العملاء لانه ببساطة هو الممثل و المتحدث الرسمي بأسم الشركة وهو الوسيط بين العميل و الشركة والمسؤل إنه يوجه العميل و يطمنه إنه اختار صح وإنه في المكان الصح ..

و منطقي جدا ان تكون الوظيفة دي ليها شوية skills و مهارات معينة لازم و ضروري تكون متقنها لانها مش بس بتفيدك على مستوى الشغل لأ دي كمان بتفيدك جدا جدا على المستوى الشخصي . زي انه يعرف يحل اي مشكلة يتعرض ليها بطريقة ذكية من غير ما يخسر العميل .

تاني حاجه انه يكون متحدث لابق و presentable هايل .

تالت حاجه و اهم حاجة انه يعرف يحتوي غضب العميل و ميحولش المشكلة الصغيرة لـ خناقة كبيرة تشوش على صورة الشركة .

رابع حاجة يكون رجل المهام الصعبة اللي بنسمية Multi task و هي القدرة انه يتعامل تحت الضغط وسط تليفونات كتيير و تعامل مع العملاء .

المهارات اللي احنا اتكلمنا فيها وطبعا في غيرها كتيير هنتكلم عليها و هندرسة بشكل تطبيقي و عملي في case study و هنقرب أكتر من كواليس المجال و أزي تكون agent شاطر و شغلك مميز .. كل دا هنتكلم عنه في سيمينار الـ Customer Services اللي هتكون يوم الاثنين 20/3/2017 من الساعة 6 لـ الساعة 7 م .