مندوب المبيعات .. او Sales man  كل دي مسميات بنقولها لوظيفة واحده ..

و اللي بنترجمها تحت اسم " راجل المهام الصعبة المستحيلة "..

مندوب المبيعات من أكتر الوظائف اللي بنشوفها و بتكون مطلوبة في الصحف و المجلات و على معظم السوشيال ميديا ..

و دا لانة يعتبر عضو نشط و قوي جدا في أي مؤسسة لانه بيساعد في الترويج للشركة بأفضل شكل ممكن  دا بالاضافة انه يعتبر الموظف الأهم في القسم الإعلاني لأي شركة ..

و في الحقيقة كل يوم ممكن نشوف مندوب مبيعات .. بس اللي بيأثر فينا و يلفت نظرنا هو البياع الشاطر .. البشوش .. اللي بيعرف يقنع الزبون بأسلوبة و طريقة كلامة الحلوة ويقدر يقنعة بكل بساطة إنه يشتري المنتج بتاعة .. و هي دي اللعبة ايه اللي عند مندوب مبيعات شاطر مش موجود زميلة التاني !!؟ ليه ممكن نشتري من مندوب و منشتريش من واحد تاني !!؟؟ .

و من هنا بتيجي الاجابة !!؟ يا ترى ايه اللي بيميز المندوب الناجح عن غيره ؟ و أزي تكون مندوب مبيعات ناجح ؟..

و ايه المهارات اللي لازم تكون في مندوب المبيعات الناجح ؟ و مين هو مندوب المبيعات و ايه طبيعة شغله ؟ و ازي بتتم عملية البيع و ازي تقفل البيعة و انت محافظ على علاقتك بالعميل بتاعك !؟